呢幅係正牌愛麗絲品牌嘅捕捉春韵，亦係第一幅劣作
，只係係香港嘅展銷檔購買，亞未來親家話幾靚，米諗住油返幅當聘禮，點知係淘宝揾咗起碼十間舖
，一係話無貨、一係話有顏料快遞唔送
，就算confirm咗俾埋錢都放我飛機
，真係一波十幾折，最後係廣州揾到間同一品牌話有貨，不理價錢運費，嘜鬼都應承佢
，送貨嚟嗰日仲歡天喜地，第一時間拆盒開功，點知一落筆就覺得唔妥，01白色變咗泥啡色，跟住發覺啲顏色唔同哂，頂佢呀
！再細心睇吓個盒，貼係盒嘅招紙有啲唔同，而招紙星星難度由五星變咗三星，而油畫布又粗又鞋
，唉！又做咗老襯
！！！都係唔死心，既然訂唔到愛麗絲品牌，就試吓樂又美喇。
樂又美品牌半製成品，油出嚟都o.k.﹔不過掩尖教主覺得兩貓身主綠色毛唔係咁順眼，將圖中紅圈點部份由綠色轉咗灰紫色，當堂唔同哂
，亞親家嗰日有聘禮收喇....kawawa
唏！有咩埋由花柄同草草會係淡黃色
？奄尖王再將佢轉做草線色
？奄尖王再將佢轉做草線色
攪掂
！食碗麵﹔比我預期早咗完成，he he...仲有幾日俾佢風乾。
大日子就嚟喇，咦！神婆話十月九日宜沐浴，波波洗定白白迎佳日，爹爹要幫手，所以得浴後照﹕
沖完係浴屏內索乾身，濕水波又乖又可愛呢
！
吹..呀...吹..，讓風筒..吹，吹乾.......
2幅油畫貓貓都唔同樣咁喎!?
回覆刪除[划艇高手回覆10/13/2011 21:18:45]我番禺都見到，12X 人仔两幅，仲未講價，我諗100蚊两幅實得，睇下你牙力點，夠薑可能100蚊3幅都得，但顏料、布料同size我就唔識。
[wongtw65回覆10/07/2011 21:33:40]哦, 唔怪得嘞!
[版主回覆10/07/2011 21:27:59]貓樣同圖案一樣、不過顏色唔同咗！因為唔同品牌。
正牌好, 不過淘寶幅畫, 幾經波折, 你先買到手, 加上你苦心, 阿七媽收到, 一定好滿意^^
回覆刪除[小強之家回覆10/08/2011 15:14:50]波波重好多, 沙 Dee 係打針時磅埋 4.1k ( 9 磅) , 劉醫生話阿仔, 個身長咗, 但係無重到....一個字 Fit
[版主回覆10/08/2011 14:47:52]琴晚同波貓上磅，有成12.4磅，之前想同佢減一磅，減唔到不特止仲肥咗磅幾ｏ
[小強之家回覆10/08/2011 12:26:13]幅晝嘅波仔比較瘦, 要增肥啦
[版主回覆10/08/2011 01:03:20]你有無睇？正牌愛麗係買唔到呢，如果一早買樂又美品牌，就唔使哂咁多心機揾喇！唉！！！
好靚呢，親家實鍾意
回覆刪除[版主回覆10/08/2011 11:17:09]希望喇:)
阿波媽, 你係有藝術天份嘅, 天生嫁, 如果你叫我轉色, 我唔會知轉咩色好....
回覆刪除[版主回覆10/08/2011 11:18:05]啲咁多喇！
阿妺現真身嘞....
回覆刪除[小強之家回覆10/08/2011 12:13:16]阿妹 honey 係 沙 dee
[版主回覆10/08/2011 11:19:58]我親家係阿七媽，現身嘅係阿七呢。
我喺花園街見到完全空白嘅數字油畫, 想暈, 越睇"你"越唔簡單, 一幅接一幅, 你咩人嚟架, 咁勁嘅, 真有幸能獲贈一幅你嘅八星作品, hehe ~ 我要操多啲部機同波少影沙龍, 好有壓力.....
回覆刪除[版主回覆10/10/2011 15:34:52]花用園街係米生果檔格離呀？係就千其米幫襯，又貴、啲色超難睇！
你唔好俾嗰啲數字嚇親，唔係咁難咋，當你一開始向五星進發，咁以後嗰啲就無難度喇。
加咗相我攞返個No.1先 ~ 邊得佢沖涼乖成咁架, 又可以抱到人仔咁, 我班臭豬都叫乖架啦, 好唔抵得呀 ~ 你對玉腿......又白又滑.......都巧搶鏡噃 * - ^
回覆刪除[版主回覆10/10/2011 15:37:28]哈哈....我對肉腿XDDDD
嘩嘩嘩嘩…，幅畫好唔錯呀真係！都唔知點多謝好喇。
回覆刪除阿女婿真係好乖，老老實實任舞都得，外母比十個讚！
波豬仔真係乖乖...好可愛成個人仔咁...波媽你真真好命....
回覆刪除[版主回覆10/11/2011 17:19:52]我抱住波嗰刻真係覺得係人仔嚟，好似亞仔細個b嘅感覺。
幅油畫完成之後........好靚喎! 波波豬係 '洗白白' 時咁乖, 好羨慕呀!!
回覆刪除呢幅算o.k.喇，只係改咗兩隻色﹔隻波沖涼有慘叫同想走貓，不過都係佢有佢叫、我就同佢傾計兼沖呀沖。
回覆刪除你自己畫? 好厲害呀!!
回覆刪除[版主回覆10/12/2011 14:49:15]我邊有咁叻，係填色咋！
我覺得哩幅既顏色最靚... 冇得傾呀真係....波波豬真係一隻不折不扣既超乖豬豬呀... 忍唔住要嘴啖 ^3^
回覆刪除[吉孖媽回覆10/14/2011 17:00:07]等我都幫我隻"乖豬"試吓先.... :p
[版主回覆10/13/2011 14:59:27]你係話下面嗰幅？都改咗兩隻色﹔我唔係咁鐘意上半part紫粉紅色部份，嫌佢搶咗兩貓的色彩，試過收黯喇，但係成幅畫紫哂，唔多順眼﹔之後油番原色囉‧事關驚整衰幅畫無得送俾親家。
隻隻貓都係乖豬，只要佢愛同信你我得喇。XD
波媽，請問你個風筒插系邊？系玻璃入面？咁咪好危險囉！我隻衰Bill一聽到風筒聲簡直要攞佢命，困住佢黎吹又幾好計。
回覆刪除[版主回覆10/14/2011 10:48:53]風筒插係浴屏出面，以前會困佢係什物房吹乾毛，宜家好方便，攪掂用水沖走啲毛就得~~
波波豬5驚吹風筒，好叻仔\(^o^)/\(^o^)/\(^o^)/
回覆刪除[版主回覆10/16/2011 11:35:10]我有名沙膽波，yeah！風筒使咩驚~~