2012年5月13日星期日

一盒兩用‧袋中貓‧再醫













 
琴日見吉之島有靚靚盒,size又啱波波瞓

















亞咪﹕係米好靚呢.....波波
波波﹕mm....呢個似樣啲.....一早就應該買喇,成日俾啲爛鬼盒我瞓,攪到我降哂呢﹔不過高咗啲囉

   亞咪﹕你自己生得矮詐嘛.....有計,亞咪幫你做低佢








"tup tup碪",睇嚟波波好like
個手抽柄有啲利,拆咗見有兩個窿,穿條繩......波波玩拉車車囉










"片"個靚彎.......都無有怕


 
 
 



 

 
 
 


    





哈哈....玩完飛車,再玩袋袋



 








  


唔夠剌激......吊係門鎖柄上又如何?******************************************************************************************************
波波做完通淚管手術至今無進展,個心梗係囉囉孿,今日打電話咨詢羅醫生,佢話帶波波俾佢再check吓......
今次波波外出明顯比平日驚,係診所對面馬路就開始騰騰震......使唔使咁醒目呀!






  
羅醫生播返上次做手術條片,淚管係通咗嘅﹔咁又再同波波做淚液分泌測試,兩隻眼都正常....何解?咁俾乾乾同濕糧波豬食,見證吓淚水在左眼流,唉!一隻餓貓都唔搶食嘅高貴波又點係陌生環境食免費平民餐........咁羅生建議去隔離房,清走哂陌生人,等波波情緒平伏後會否進食.....仲吩咐助護攞毛巾墊上冰冷嘅鋼枱,免得波波着涼<好細心
咁樣等佢自動進食唔係辦法,唯有逐粒逐粒force feed,隻衰波好似彈波子咁彈返出嚟,爹爹肉赤又唔耐煩表示放棄......我呢個嚴母啋佢都儍.....繼續嘗試,終於攪到隻波眼泛淚光....yeah!成功.....
羅醫生再同波波測試淚液分泌,證明到進食會令波波左眼淚水過量分泌,佢話咩咀嚼咩神經....我唔係好明佢講咩?而佢自己都好頭痕.....諗唔到點攪,唯有同佢勤抹淚水,等佢諗到方法先call我..........
不過大家唔使替波波擔心,佢眼仔精靈無發炎,食得瞓得玩得疴得......

p.s.明明覆診卡寫住波波,點知姑娘叫波波豬磅重,當堂引起滿場笑聲,我問姑娘點知波波有個豬字跟尾,證記唔加個豬字就係驚俾人笑