上星期日係淘寶淘嘅兩幅數字油畫，其中貓公主油畫＜連畫、運費15蚊加2蚊運費費共62.76蚊（人仔）＞，估唔到隔二、三日就收到，超快
，仲用bubble紙pack得好靚靚，打開原來係25mm厚框，感 覺好抵吓，因為呢啲厚框係西九龍中心要198蚊先可成交，仲無咩圖案揀添
，可能油過一幅經驗 ， 呢幅只係用咗五日就俾我ko 咗lu 
拆咗bubble 紙，都有透明膠紙pack住
油咗小小一角
完成喇，靚唔靚啫？
第一次係淘宝買嘢，要買平嘢就要花好多時間去淘，真係淘到頭暈眼花
，仲有質數參差，有俾運費好快就收到貨，無須運費就成個星期都未到，顏料質數就麻麻地，好似哩幅每隻色要油兩次以上先上到色﹔而其中一隻色仲唔夠顏料，要自行溝添，好彩溝出嚟都有八成似咋，否則就俾佢玩死！
點知原來玩死我係淘宝買得最貴嘅一幅（84蚊人仔），我第一幅由5星級難度（最高）玩起，雖然貓公主嗰幅顏料唔係好得
，但係用咗個時別方法（油時記住no.油兩三隻色後待乾透，再翻油一次），油出來效果都o.k.靚，點知呢幅難度只係兩粒星，一路油一路暴粗.......頂佢吖，上色後顏色唔似外，顏料嘅橙色好似楋椒醬，點油吖
，油三、四'浸 '先上到色，咁得一小瓶點夠油？另外橙紅色啲顏料就似茄醬，就算上咗三次色都好核突，所以決定放棄
，如果大家上淘宝淘油畫，千其唔好幫襯呢間（fi xx儿）
