洗牙

好多貓友話唔知點同貓潔齒，等我同波波表演俾大家睇，以下示範充滿暴力，可能引起情緒不安，請家長同貓地留意，千其米隨便模仿，否則後果自負，wakaka.....

將沙布卷係食指，我會用小許膠紙黐穩，咁就可以開始抹前門牙喇

 

跟住抹右邊上、下排牙！

 

 

 

 

再抹左邊上、下排牙！

 

 

最後倒小小落上排最後嘅牙肉處

 

又攪掂、食碗麵.....

 

睇完暴力片，請大家食煎釀青椒同茄子，上次買現成釀好嘅，十二蚊八仲（丁咁dead件）亞仔投訴唔夠喉﹔所以今次買材料自己釀！

煎完二寶，再爆香蒜頭豆鼓落醬汁煑一陣，好惹嘢味
物價騰漲，呢碟咁嘅平民餸:魚肉＝22元，青椒一個＝6.7元，茄子一條＝2.7元‧總共31.4元！
貴到飛起.........救命呀......

 

 

知足十今晚食嘜餸

 一向面大頭圓、聰明加外向（有PR）性格嘅貓先係我杯茶，但好多嘢係強求唔倒！好似波波咁，佢老豆個樣係衰啲，但係身材魁悟、個頭又大又圓，但係波波個頭徧徧超細，並埋沙dee處真係蚊脾同牛脾，唉！其實又唔關波波事，都怪我同老公懵吓懵吓，以為屋苑唔俾養狗就以為連貓都唔俾養，當隻波＋個幾月大時開始爆頭，點知又開始發情，佢日叫夜叫，我倆公婆驚俾人投訴，米啦啦臨同佢绝情，攪到隻波發育不健全，變咗細頭貓。
  不過波波你唔使驚，就算你係細頭貓，亞咪都咁鍚你，只要你健康快樂，盡情享受你貓生，就算亞咪日日俾你鬧（唔啱）都好開心→諗諗吓.......我地養貓嘅都痴痴地.......俾隻貓鬧會覺得無所謂，仲會覺得開心﹔比着如果俾人鬧、唔興唔嬲就有鬼
 
 

你地睇吓波波瞓得咁可愛，個頭細啲又有咩所謂

 

瞓瞓吓.....俾我嘈醒咗，個樣儍吓儍吓咁.......

唏！話之你，轉頭又瞓過





今日食嘜餸
早兩日見街市有黐住塘泥嘅蓮藕賣，就係貪佢黐滿泥，無俾化學嘢漂過，叫老公幫我清洗乾淨放雪柜，今日煲蓮藕綠豆瘦肉湯

蓮藕好粉.....正


好耐無整呢味餸→金華火腿馬蹄蒸瘦肉﹔因為好多功夫.....椓椓椓......椓到手軟

製成品﹕失敗......瘦肉鞋→因為貪平買咗冧肉，因為平日會買柳梅或水展，同埋金華火腿唔夠咸香，呢味餸好難掌握調味，因為好難預測火腿嘅咸度﹔頂！哂曬我手力，早知唔用火腿轉用元貝好過......

煎釀什寶，買現成樣好嘅，煎好什寶再爆蒜茸放入醬汁（得三丁人，自己釀製會好哂材料，所以買現成嘅）

嗱.......呢餐無大魚大肉，無鮑參翅肚，你又滿唔滿足？

bill 媽，呢碗就係我倒起嘅肉餅湯汁，所以都係你荷包乾啲！