椅椅要坐監

 

 

上星期六，波波左眼流眼水，喇喇臨買咗支眼水佢滴﹔以為隻臭波俾棵柴撩親，未過十五喳喳臨送走棵柴，連續滴咗三日，見好轉米減少次數，前日直情停咗無再滴﹔點知琴日下午又見佢再流過，又驚停過無再滴隻眼水會產生抗藥性，唯有揹隻臭波睇vet囉......
   同 見慣世面嘅波波出街真係無難度，全程來回無喵過一聲，乖到無朋友，見非繁忙時間就搭巴士去睇vet，係巴士上嘅波波氣定神閒﹕

 

閉目養神中......

眼仔碌碌....週圍look.....

去到診所，唉.....見到隻狗地全身生知咁，無咩毛，由疑似女主人抱住，全程無郁動過﹔但波波嘅反應係﹕

令轉貓袋，波波一眼見到狗地

嘩！佢兩隻眼就放光.......唔使咁吖？殺咗你老豆老母吖？

無耐就call波波入房，亞王醫生笑面迎迎接過貓袋，抱隻波豬檢查左眼，再滴隻黄色眼藥水check吓眼仔，結果係......新買嗰兩張大陸椅吖.....可能含有咩化學成份導致波波流眼水，唉....都係我疏忽，令到波波眼仔受苦......所以即時判兩張淘椅入獄一個月，期滿先再次服務楊家.....
診金240蚊，滴黄藥眼水60蚊，眼藥水80再買支oral gel、盛惠490元，又無咗隻牛.....
再講埋隻狗地先→係等攞藥期間，見抱住狗地女士ham得好悽涼，唉.....睇怕亞狗地又要去彩虹橋嘞.....

回程返歸我哋打的，因為老公豪俾我地﹕

波波﹕亞司機督督，你知唔知我係度吖？

照例的士哥哥可能唔知波波係樹，無收動物附加費
波波﹕嗱.....呢獲唔關我事，係亞淘椅敗你身家咋....
亞咪﹕好.....等佢監禁期滿，我唔坐返佢夠本，我唔性林....
波波﹕我要請佢食貓波波抓功！


 今晚食嘜餸﹕無鍚骨

賣相麻麻哋，但係啲汁送飯一流
 呢個餸一啲都唔難整，不過好哂時間要炆成粒鐘

嗱....沙dee媽，唔好話我唔顧你啲唔好牛人士嘞