早幾日出佐敦揾FristMate無穀物糧，見個老板娘幾好嗲，米問下佢波波下巴黑點可以點攪，佢話剷咗下巴啲毛毛，每日查三次神仙水就o.k.﹔當時心諗﹕吓！剷走下巴毛
毛，唔係呱？
於是同隻波抹完鹽水後就查神仙水，但係有毛毛係到又真係查唔到肉咁﹔於是前晚把心一橫、死就死喇！剷咗毛毛容易清走黑點又唔怕神仙水查唔到肉，咁捉住波波三、兩吓
手勢就攪掂哂！
琴日用鹽水濕咗棉花抹咗啲啡色嘢，黑點清得七七八八，但今朝見啲啡色嘢同黑點又生返出來，煩！大家知唔知啲啡色嘢係咩（用鹽水抹完，塊棉變啡色）明明清走哂黑點點，一晚又生返！
剷咗毛毛又驚佢r損下巴，米同佢戴返個自製軟喇叭，屎面到呢........
送餐送到上床食，唉！你話死唔死吖.......
驚佢瞓係到冷襯，我犧牲件羽絨褸俾佢當被蓋.......呀少爺波.....滿意無！
....
剷完下巴啲毛毛，隻波下巴除咗微紅色加黑芝蔴，其實好可愛，啲皮膚好似有種叫斯芬斯貓（無毛貓）皺皺地皮.....哈哈！所以呢幾日俾佢曬太陽都落咗窗簾，驚佢曬傷下巴。
