波波之傳心

係我未養波波前就知道有動物傳心，嗰時見識傳心網友幫其他卜友貓地做AC，覺得好神奇，養咗波波後好早已經想試，上星期亞細妹同何小姐講開佢地嘅貓貓都做過AC，攪到我心癢癢，即刻面懵懵問豆丁媽，佢真係超好人（上次已經幫我訂過美國脫水雞粒俾波波食，佢仲隨雞粒送咗條超靚貓圖案毛巾俾我，到宜家仲未捨得用）今次豆丁媽又一口就應承，係呢處真係要再次多謝佢........
 
 提問→我

 我→豆丁媽


 
 

問咗啦！ 好好笑，波波問我係邊位！ 我話我係一個唔洗見到佢都同佢傾到計嘅EE！

因為有D唔係問題，所以佢係答，我只可以俾你知佢反應！

1.波波，亞咪驚你飲得水少會尿道炎，所以先用針筒餵你，你自已飲多啲水，亞咪就唔用針筒餵你喇。
波波：我有飲喎！ 你麻煩呀！
我：你要有多多尿尿至得架，話有飲都唔得架！ 豆丁日日都有兩大舊尿，你加油啦！

2.波波知唔知身體對好多嘢會敏感，所以好多嘢唔食得，唔好咁嘴叼喇。
波波：我唔知，唔鐘意咪唔食囉！
我：總之阿咪俾就試下啦，起碼食小小，對身體好最重要呢！

3.點解成日r甩毛，係米有咩唔舒服？亞咪會好擔心又哂錢帶你去睇醫生。
波波﹕無事，但耳背有時好痕，會ｒ多Ｄ！
我：波波如果真係唔舒服要做出面D俾阿咪知道呀！

4.知唔知自己肥吖，唔係因為食得太多嘢，係因為絕咗育後反應，不過都要減2磅，所以要郁多啲，自己揾玩具玩，唔好等亞咪陪你玩先郁動，知嗎？
波波：我不知幾好呀，唔肥呀，減咩呀！
我：（我覺得波波都幾有脾氣）你唔得曳曳架，樣樣都為你好，你自己郁多D咪當減肥囉！
波波：我鐘意有人同我玩！

5.哥哥份工有時要出外公幹，佢唔係唔要波波吖，工作完就返屋企喇，唔好鬧情緒，會病病！
波波：佢有無掛住我先！？
我：一定有！
波波：算佢啦！

6.點解波波唔鐘意俾人抱，又唔係好黐人嘅？有時連摸你都會避開。
波波：我又唔係BB，我大個啦嘛！
我：有時痴下係愛嘅表現嘛，試下啦！

7.我地全家人都好愛波波，咁波波愛唔愛我地呢？同埋鐘唔鐘意呢個家吖？

波波：我愛，我鐘意，但要做D咩架？
我：哈哈，你對家人多D回應啦！ 呢D唔係BB行為呢！

8.波波有時對住亞咪大聲喵喵叫，點解吖？
波波：當然係想食啦！

9.波波點解唔打咕嚕嘅？

波波：點解要呢？
我：因為咁就代表你開心，有安全感囉！ 你唔咁，家人就唔知你開唔開心，你試試俾佢哋摸下，放鬆下！
（我覺得佢都快樂架，但唔多識放鬆！）

10.波波係米好鐘意玩伏哩哩呢？
波波：呢個我鐘意呀，但唔會咕嚕架喎！
我：哈哈，我知呢個唔會，但你開心就好啦，阿咪都係想知你鐘唔鐘意之麻！

11.有無嘢想同我地講吖？

波波：........本來無，但以加想講我好鐘意呢個屋企，唔好擔心！ 但我未必識點咕嚕令佢哋鐘意，總之我大個哥，係呢個家嘅一份子！

12.亞咪知道波 波好乖仔。

波波：我自己都知！


問豆媽傳心前，曾問過爹爹有無嘢想問波波，佢懶不肖咁話無，又話呢啲都好信，我米寸返佢，係吖人地係唔收你錢又肯幫你做嘢嘅神棍，妖！出咗傳心嘞佢又問波波有無講佢，唓！唔信就米問喇，頂！衰到列印篇嘢俾佢都唔睇，扮哂蟹唔睇，正.....

豆媽同波波傳完心第二朝，爹爹話見波波自己去水機食過兩次水，又去平日我盛大半碗水專用針筒餵佢嗰個碗食多兩次水﹝佢從來無幫襯過呢碗水）！

雖然傳心時波波話自己唔係bb，已經係大個哥，所以唔需要抱抱同摸摸，但係佢有種行為仲維持bb
，逢係有軟棉棉被被同哥哥嘅臭衫褲、床單，就會好個陶醉咁搓搓吖搓搓.......