終極一插‧迎春貓

 

 

年廿九買咗個竹筒形高身花瓶，再買多幾枝綠蟹爪菊、金色絲帶再攪過棵柴﹕

正面

    側面
 插完驚亞波推倒，五花大綁，穩鎮哂

棵吊鐘下嘅襯花

好靚靚，每個花苞開出嚟鐘都唔同數目，數呀數......

年初一，摷返舊年件黄馬掛俾波豬着，同大家拜年，祝各位ee、督督、大朋友、小朋友同貓地新年快樂，財源滾滾，事事順利，身體健康、貓罐常滿

ee、督督，恭喜發財，利是逗來....

 

 

波波大個仔lu，件黄馬掛唔啱身，鈕都扣唔哩﹔舊年衫袖要摺起
，今年吊腳，原來波波肥咗又高咗......喂！波豬好停止高喇，唔係曼基變英短

 

嗲嗲豬，同爹爹頂頭仔

 

早前終於揾返舊年冬天波波肯嘅件斗篷衫，都係窄得濟，用魔術貼頂住當，今晚過咗＋二點用針再縫過，因為以前亞媽揸針揾食，佢話年初一用針會吉盲雀仔嘅眼，所以逢年初一就唔俾用針，就係咁....我哋細時最鍾意年初一，並唔係因為有利是逗（逗到利是錢，全部要繳械﹔亞媽嗰封得四亳子，再大啲時就四蚊雞，仲要得單封），係因為嗰日唔使幫手做手作！

 

 

 

 

 

波波豬﹕今曰初一，亞咪做咩唔去拜年？

亞咪﹕姨婆奶奶早幾個月仙遊，挨壞過咗澳門大伯到，天寒地凍都係响處玩你好過....
波波﹕ee、督督，你哋話喇，連初一都唔放過我......

一棵柴‧迎春花

 

 仲有兩日就過農曆年，祝各位身體安康，財源滾滾，貓地日日精神爽利，享受貓生！
早幾日買咗盆小紅掌，清洗啲泥用水養（紅掌正名火鶴花），唔知對貓地有無害，都係擺放係較高位置，咁矮仔波就接觸唔到嘞  ..............   

 

 

琴日又Ｃ忽痕，再去禾輋年銷買咗棵柴一→吊鐘（狀元紅）  

    今朝開咗好多喇，數過......最多有成＋個吊鐘.....


亞沙dee媽話鐘意上次上波波個相架，早幾日買左喇，我仲買多個新換咗個舊既﹔因為舊相架既角崩咗小小﹔點知返嚟一拆，其中一個崩咗多多，琴日順便攞去換！

沙dee媽嘅‧靚仔哂.......

波波一早就哩係什物房堆衫後面想玩伏哩哩...


            

 

 

伏伏吓，無人理佢，瞓着咁濟
    
迎春花  

  正面

 

 側面

   
   

原來可以咁惡

 

星期六，有貓友光臨寒舍，波波仲係第一次見七舅爺，點知佢一反常態，見人就fee，掂吓就咬，惡到非飛，唉！仲要經亞沙dee媽不停挑釁（嗱...奉勸亞細妹你真係要認真考慮先好將cc嫁過去），我真係未見過波豬惡得咁交關，好彩無傷及無辜﹔到最後臨走，波波咀返啖七媽先攞返少少分，事關波波仲要等七媽養返個女嫁俾佢    ﹔但係波波到今日仲唔肯鍚鍚我吖（平日佢一日咀我十幾次嘛）。

    亞少爺波唔知係米嬲我前一夜同佢剪甲甲，我–路剪一路同佢講﹕波波明日有ee、督督嚟探你，要剪吓甲甲，唔係玩起上嚟抓損人就唔好喇......

 

 

 

 

 

 

 

雖然心情唔靚又發惡，但係都係爛玩貓一隻

 

 

 

 

 

 

啲客人走哂，訪問吓衰臭波先.....
亞咪﹕波波做咩今日咁惡、咁失禮人吖？
  波波﹕邊個叫佢哋話見我一次醜樣過一醜.....雖然我無潘安咁靚仔.....都唔好......
亞咪﹕人哋講反講話咋嘛.....
   波波﹕做咩都講反話吖？
亞咪﹕驚你少氣吖敗家波.......


多謝各位送嘅厚禮，只此一次好喇.......唔係.......我唔下廚（認真ing）

 

 

要送就送嗰吉盒俾我得喇，唔係......下次咬鬼你哋......