開年‧第一次

 

 

 

   每日點幾鐘吸完塵，波波都會大戰吸塵佬，而呢幕係年初一上演嘅，最衰係家貧，無銀両買靚機，因而好多精彩動作影出嚟都鬆郁蒙﹕

 

波波﹕唔係吖，新正頭都唔放過我

係米嚟真先？

塵佬﹕郁你使擇日子咩！

波波﹕嚟米嚟，瀉你呀.....我咬...咬.....

波波﹕迷暈鎖加埋封喉龍，哈哈.....怕問你怕未？

亞塵佬，今日你食過咩，點解有我啲罐罐味......

唔啋你吖，偷食我啲罐罐

就係咁.....亞塵佬幫波波開咗個早年嘞





年又過年，好快又年初八（一月三＋日），我波波兩歲仔生日，成家都係孤寒鬼，無大餐食、無禮物收，嗰個亞咪一日到黑唱咗幾拾次生日歌、咀到我咀都歪埋咁濟，煩到嘔，好彩嗰日陽光普照，俾我嘆返個日光浴﹕

 

 

今夜食嘜餸﹕柱候醬炆牛腩

老公開餐時都好驚訝我整呢味餸，因為入廚以來從未煑過，除咗略甜外，味道都o.k.，兩仔爺ee鵝鵝話要加蘿蔔、支竹，第一次整諗住掌握咗烹調方法吖嘛........煩！你估專登整俾你哋嘆，揾你兩仔爺做白老鼠咋，見啲cat friends咁鐘意食牛，下次又多一味餸整.......
仲有上次貓叙，貓友好俾面掃咗啲餸，攪到我鬼咁開心，點知衰公話﹕梗係喇.......你暗示人地唔准彈，又話要人哋食哂......


米話我孤寒喇臭波，請你出街食大餐，你嗰日唔so我，今日專登去新城市廣場Q-PET買貴嘢你嘆補返數﹕

返嚟，隻臭波係咁纏住，要我開俾佢嘆.....