滅蚤

各位網友，請問有無人用過滅蚤蛋呀？咩牌子好而又唔會傷到貓貓？滅完要唔要全屋再清潔呢？楊府要滅蚤大行動！
早兩日有貓友應該知道波波上背頸生咗啲粒粒，頭都痕埋，波波你唔係咁玩我吓？左眼未知病因，又整多劑我嘆，想測試我心臟負荷能力吖，無計......唯有打電話book nine lives，Dr.Maggie星期日先有檔期﹔咁米用鹽水同波波抹粒粒囉﹔琴日傍晚煲落湯，整緊清湯牛腩，見有空檔米同波波抹粒粒，撥開頸毛.......嘩！有隻黑芝蔴物體，未嚟得切反應已經消失於毛叢中，呆在......用revolution同frontline隻波又敏感，俾細妹商討過都係滅蚤先，喇喇林去廣場買藥，問咗幾間都無revolution賣，Q-pet嘅靚女話呢隻要係診所先有發售......
咁唯有踩去旺角麥花臣，姑娘話有隻advocate比較無咁敏感，咁一於就買佢喇！

呢隻advocate滴咗真係無敏感

驚啲抓板有蚤，掉哂.....買塊cheap cheap地頂住先，滅完蚤再添置過.....
P.S.响處多謝亞細妹，攪咗你成晚


啲蚤係邊度嘢返來？診所.....maybe，
不過老公呢幾個月耐唔耐就去餵街貓，大澳、長洲
亞咪﹕非常時期，唔該呢排唔好去餵街貓，驚嘢到蚤返來......
老公﹕我無掂佢地喎.....
亞咪﹕啲蚤唔識跳，做咩都好.....都要以波波為大前提....