貓冰蝦

 

嗱....唔好話我天氣咁凍先攞冰出嚟俾波波玩，啲相影咗好耐宜家先post出嚟咋！
事緣有次去河畔食晚飯，嗰時仲係夏天，見到啲人帶埋狗狗出嚟食飯，係等位其間見有狗主攞住支半溶嘅冰水，俾啲狗狗飲同消暑！諗諗吓波波好似未見過冰喎，唔知有咩反應.....於是乎....波波有嚟玩吖.......wakaka......

波波係處研究舊冰有咩用.....終於俾佢諗到.....

隔咗–陣

玩完冰又玩過第二樣喇........蝦

嚟過近距離接觸....索吖索吖

索完，走都走唔切咁....

玩完大蝦，咁梗係攞嚟做餸喇...

乾煎鼓油皇大蝦

支竹炆頭腩

呢兩味本身上次貓敍時想整嘅餸，修尾變咗蒜蓉蒸蝦﹔而炆頭腩嗰日有買，修尾老公話太多餸唔好整喇喎，不過唔緊要，沙dee媽你啱食嘅下次整過你食