超級煩波

上天真係對我不薄，首先賜咗一個敏感鼻俾我，曾經同wongtw 講過，我讀完書一出嚟工作，就開始有鼻敏感，仲一直好忠心跟咗我好多....年，咁多年嚟為咗呢個鼻，我做咗兩次手術﹕﹛1）嗰時仲年輕，嘜都唔識，俾個性李嘅耳鼻喉專科騙咗去做手術（第一次睇就話見到鼻咽後面有啲嘢，驚係cancer，要做手術攞啲組織化驗又建議割埋扁桃線），結果....轉睇另一專科，佢話唔使入醫都可以攞到組織（2）經朋友介紹睇另一專科醫生＜溫浩如＞電腦素描揾到鼻竇炎原因，經過一輪觀察治療無效，建議做通鼻管手術，自此鼻竇炎根治，但敏感仲係對我不離棄。
    跟住上天好鬼關照，賜咗個又乖巧又靚嘅仔仔過我，不過....一入讀幼稚園就係我惡夢開始，由嗰時起老公份糧差唔多供獻哂俾香港、九龍、新界嘅醫生，目的就係唔想仔仔由氣管炎演變成哮喘病（親眼見老豆受此病纏繞多年嘅病苦）......小朋友係我帶佢嚟呢個世界，我唔想見到佢受苦，雖然最後亞仔無患上哮喘，不過亞仔遺傳咗鼻敏感。
到舊年遇上波波豬，亦結下不解緣﹔由細到大對動物無嘜特別喜愛，都無諗過有兩個鼻病患者可以養貓咪﹔但係波波驗血報告話我知，原來個天又同我開多次玩笑，波波豬係隻超級敏感貓，羅醫生笑住同我講﹔名種貓係咁喇！.....
  大家睇吓份report....
   

   阿Ｑ精神嚟喇，有嘜問題啫，唓！學亞仔話齋，波波係對好多嘢都敏感，不過樣樣都係輕微至中等，都未到嚴重地步.....wakaka   
 
  
     


  
 
 
  

   
 
  亞咪話我係煩麻敏感豬，要罰我企企﹔衰咪嚟攪到我露點添，蝕抵哂喇    .
 
請問大家鯷魚係嘜樣，係米寵物店賣嘅魚干仔？呢隻至勁吖.......死梗
  仲有有無吞拿魚罐鐘介紹，波波勉強肯食嘅almo nature 吞拿魚有米飯吖，米飯都有輕微敏感 ！