＃ 同隻波剃咗下巴毛毛，雖然俾好多人話，不過佢哋都係錫波波啫，所以我唔mind﹔但係呢個做法係正確嘅，因為小咗毛毛阻住，會容易抹走啲啡色嘢同黑點，抹神仙水都到肉啲，自從上次用隻 groomer's goop cream清洗過一次下巴，第朝又生返哂出嚟，真係有啲down.....但係都照舊每日同佢用鹽水抹下巴同神仙水兩、三次﹔哈哈........呢兩日啲死人啡色嘢少咗同淡色咗、黑點仲寥寥可數，波波下巴仔應該好快回復返青靚白淨lu
！＃
----------------------------------------------------------------------------------------------------------------------------------
呢兩日好凍，間屋向西北，真係凍到飛起，雖然開咗暖爐仔俾波波嘆，但係都驚波波唔夠暖，隻衰波又唔鐘意着衫，本來舊年有件斗蓬都勉強肯着，不過今年唔啱身掉咗，於是摷返件舊衫試吓改後斗蓬，希望唔會束住對短手，俾面肯着喇.....少爺波！
！＃----------------------------------------------------------------------------------------------------------------------------------
呢兩日好凍，間屋向西北，真係凍到飛起，雖然開咗暖爐仔俾波波嘆，但係都驚波波唔夠暖，隻衰波又唔鐘意着衫，本來舊年有件斗蓬都勉強肯着，不過今年唔啱身掉咗，於是摷返件舊衫試吓改後斗蓬，希望唔會束住對短手，俾面肯着喇.....少爺波！
ｉ
呢件雙面衫，舊年買成二佰幾蚊，好肉赤
首先拆咗對束袖
變身完，都係兩面都着得
咁梗係要揾亞模豆波示範吓喇﹕
型唔型呢？又唔會束住對短手。
+
我就話抱住波豬仲暖過嘆暖爐嘞
終於揾到另一隻乾糧→fish4cats無穀物，食咗兩日fish4cate溝addiction，波波無敏感反應，隻糧有雪魚、鯡魚同三文魚成份，遲啲驗埋尿尿酸鹼度，睇吓有無問題先！
亞何小姐話齋得閒得濟，又揾件今年入冬買嘅合身棉衣改改佢﹕
剪咗兩邊袖
揾亞豆模show吓
亞細妹點掉轉着呢？行都行唔到.......
嗱...呢鋪唔關我事，唔係我玩嘢，細妹話咁着會冷親波dum，
米掉轉着試吓得唔得咋
......
我就話抱住波豬仲暖過嘆暖爐嘞
終於揾到另一隻乾糧→fish4cats無穀物，食咗兩日fish4cate溝addiction，波波無敏感反應，隻糧有雪魚、鯡魚同三文魚成份，遲啲驗埋尿尿酸鹼度，睇吓有無問題先！
亞何小姐話齋得閒得濟，又揾件今年入冬買嘅合身棉衣改改佢﹕
亞細妹點掉轉着呢？行都行唔到.......
米掉轉着試吓得唔得咋
......好勒.....掉轉着失敗.....來諗吓計先......
縫返心口兩塊布條，變咗剩除剪咗對束袖，加濶對袖口，又摷波波黎示範﹕
其實咁樣着，件衫都係比較'cool'身，波波你話呢？
波波﹕你得閒濟就死去油畫喇，米再攪我喇，我咬鬼你！
亞咪﹕
總結﹕波波係比較接受着件斗篷多啲，事關佢着咗件斗蓬瞓係貓床
波波﹕你得閒濟就死去油畫喇，米再攪我喇，我咬鬼你！
亞咪﹕
總結﹕波波係比較接受着件斗篷多啲，事關佢着咗件斗蓬瞓係貓床
裹面打咕嚕
波波好似個BB咁任您抱，真係令羨慕^^
回覆刪除p.s. 波波著左件衫，令我諗起蝦利波特XD 可以叫做哈利波波嗎？XD
[版主回覆01/06/2012 11:39:05]抱一陣咁多咋>.<，哈利波波XDDDDDDD
件斗蓬改得好靚, 解決咗短手貓問題 ^^
回覆刪除[版主回覆01/06/2012 11:43:20]本身件衫係無袖嘅，不過窄得濟唔啱身，買咗件新嘅又唔like着，米將件舊衫改斗蓬，等佢活動自在啲囉:P
波媽.....您同隻波一樣咁可愛....
回覆刪除[版主回覆01/06/2012 11:44:38]係吖，一樣手短腳短好QT....wakaka
巧手呀!!!波媽有冇諗過開班授徒,
回覆刪除我e排都頭痛要幫Corn爺整件衫,
佢勁舔毛之下損左,帶住口水肩又成日移位..
[版主回覆01/07/2012 17:49:29]用繃帶纏住佢舔個位，佢曉整甩就留長咗綁係身！
[扁臉貓回覆01/07/2012 10:08:00]前腳後方,整左件衫,著左唔肯行路,只好著返改良口水肩~
[版主回覆01/06/2012 21:12:36]邊嗰位置.....肚？整個肚兜佢着囉XDDDDD
[扁臉貓回覆01/06/2012 20:59:36]就打晒之後,再一段段分開enter,我都唔知架..........
前幾日la,舔舔下一看,都損左,
帶左兩日口水肩+擦左藥,有好返d......
就係一得閒就見佢想舔
(佢點會肯著衫阿,邊有波豬咁乖)
[貓僕人回覆01/06/2012 12:19:21]係呀, 我都想知點打.....
[阿七回覆01/06/2012 12:15:10]想問點先可以將d字一行一行打出尼唔一段過呢？
[版主回覆01/06/2012 12:02:19]Corn爺幾時開始舔毛，佢肯着衫，買件現成米得囉，旺角金魚街同動物街有好多動物衫賣。
[貓僕人回覆01/06/2012 11:44:13]邊到捐咗...點解會咁
你手藝都幾好喎!
回覆刪除[版主回覆01/06/2012 12:02:40]失禮哂！
禾唔識針紙架, heehee,
回覆刪除[版主回覆01/06/2012 12:04:03]自小家貧，嘜都要識小小囉！
嘩！除左用【歎為觀止】呢4隻字之外，我真係諗唔到點落 comment 囉！波仔真係要唱番句愛在心內暖 lor ~~~
回覆刪除[版主回覆01/06/2012 12:34:59]歎嘜鬼觀止，米笑死人喇，不過市面真係好少斗篷動物衫賣，
你睇隻波着咗屎口屎面，就知佢唔like喇。
[版主回覆01/06/2012 12:29:47]唔係噃，真係得閒過頭先會用幾粒鐘嚟改件衫仔，剪完一針一針用手縫！超低能！
[貓僕人回覆01/06/2012 12:22:44]............七媽.....其實重有4 個字... { 得閒過頭 } ...波媽...我等你丙吓.....
嘩！哈利波波媽好勁呀，改咗件衫仔仲型咗，讚！
回覆刪除我都發覺有袖嘅衫仔真係阻手阻腳，雖然少爺波有d屎面，但都係為佢好啫 ^3^
搵到隻啱少爺波嘅食糧實在太好了 =^^=
[版主回覆01/06/2012 19:14:38]你仲勁喇，lulu件衫仲暖同靚喇~~
隻新糧算o.k.，見佢無r痕，但係便便帶小小血，觀測中......
件衫好靓啊！BALL妈接唔接受订单？
回覆刪除[版主回覆01/07/2012 13:41:28]bill媽又嚟玩我吖！
[划艇高手回覆01/07/2012 12:50:52]雖然我好反對同Ｄ貓貓狗狗著衫，但系見波媽你咁好心機，改完又改，我都忍唔住想落柯打，幫Bill Bill 訂番件！ wakakaka！
[版主回覆01/06/2012 19:10:14]失禮哂，米玩我喇！
am, 我要講反話....... 件衫雖則真係好鬼靚, 但佢地著衫最緊要係暖住個肚dump仔, 係咪應該掉轉著好啲呀 ??
回覆刪除[細妹媽媽回覆01/06/2012 15:19:54]你買嗰件斗蓬, 係fashion for 狗狗 (我估), 同保暖有時係兩回事.....專搵啲....24孝笨 >.< 咁你認為呢, 我唔知呀, 啲人成日話唔好俾個肚仔冷親, 我淨係會買背心, 有扣鈕嘅款我唔理前後架, 總之有鈕著背脊果邊, 唔係"銀"親佢地......
[版主回覆01/06/2012 14:57:56]咦！掉轉着有創意哂,,,,,,wakaka，
不過我舊年買嗰件斗蓬都係露肚dum喎？
見到反轉衫著嗰2張... 爆笑咗!!
回覆刪除[版主回覆01/06/2012 19:17:57]你見佢屎面到.....就知勁唔掂夾唔like喇^____________<
新糧波豬ok ma??!!^*^
回覆刪除[版主回覆01/06/2012 20:46:14]溝咗兩日糧，暫時無見佢r痕，今日呠呠有小小血囉，不過佢間唔中都有小小嘅，所以有待觀察！
笑到我眼淚水直流 =D 少爺波被玩真可憐，錫番 ^3^
回覆刪除[版主回覆01/07/2012 10:54:32]快啲用tempo抹返，整花塊面唔靚女喇！
嘩...靚男.....你真係得意
回覆刪除[版主回覆01/07/2012 17:42:35]波波同沙dee都係曼基貓，手腳特別短。
[失魂貓回覆01/07/2012 17:36:57]係喎！點解？新品嘗？仲cute la
[版主回覆01/07/2012 11:29:10]你有無留意佢啲手腳特別短？
[失魂貓回覆01/07/2012 11:21:08]我好喜歡貓，不過最喜歡波波d貓毛同貓樣
[版主回覆01/07/2012 10:56:28]你成日咁讚佢，飄飄然囉！
唔係喎波媽....第二件好d呀..起碼長d遮到個屁股位嘛.....係咪呢....隻波都嫌你煩...搞住晒...得閒就油畫啦.....淘寶冇畫淘咩...我同你講呀波媽....貓一日要瞓起碼10個鐘...你成日搞到隻波唔够瞓.....
回覆刪除[版主回覆01/07/2012 11:05:35]第一件舊年嘅，大個仔唔啱身﹔
我油緊60Ｘ75巨型油畫（玫瑰之約），咁耐唔耐要休息吓，
咁呢兩日好凍，米改吓啲衫仔，等佢着得舒服啲﹔
唏！日頭瞓少咗，夜晚米瞓返夠本囉~~
癡孖筋, 笑到反艇
回覆刪除[版主回覆01/08/2012 15:09:47]波波﹕我被迫姐姐，亞咪真係癡孖筋！
[叮噹Cat回覆01/08/2012 01:33:52]波豬傾力演出,浸親都無所謂
[版主回覆01/07/2012 11:07:15]有無浸親吖？
便便有血可能係梨形蟲....要用滾水, 漂白劑洗便便盤......
回覆刪除[版主回覆01/07/2012 12:47:56]唔關事，佢係對某啲食物敏感啫，如果食有穀物糧，大便會有好多血:(
我....琴晚好夜先睇你呢篇下集, 點止笑到標眼水, 直頭笑到爭啲忍唔住........"點行呀亞咪", 笑死我 !!!! 星星果件好細件唔太啱身, 所以怕冷親波dump仔, 先叫你掉轉........你轉頭整過件fit哂身嘅先掉轉著, 哈哈哈 ~ 反轉著要有肚兜效果先fit.......算啦算啦, 當我無講過, 唔係波豬就真係陰公豬............頒個獎俾你先得 ~ 爆笑貓媽大獎 ^.^
回覆刪除[版主回覆01/07/2012 13:43:42]掉轉件衫着時，我見到波波個屎樣都好好笑！
隻cream見效就好了，少爺波無晒d黑點，長番d毛毛，回復個靚仔波波樣 ^^
回覆刪除[版主回覆01/07/2012 17:55:39]隻cream係for清潔oil coat，唔係藥膏嚟，仲未好返哂，不過少咗好多嗰啲衰嘢。
知道波波有好轉, 都算唔錯
回覆刪除最驚訝係你改衣的技術及創意無限, 佩服呀
[版主回覆01/08/2012 00:11:48]希望快啲消減哂啲粒粒，
我無技術可言，亂嚟咋:P
波豬好翻, 波媽您就唔好lup ｌｕｅｎ 攪佢囖
回覆刪除[版主回覆01/08/2012 15:07:52]未好返哂！今日又再用cream洗多次下巴:P
實在太太太好啦...唔洗下巴冇毛毛囉....
回覆刪除[版主回覆01/09/2012 14:49:11]有出返，不過無之前咁勁。
[貓僕人回覆01/09/2012 14:01:32]下巴d 黑點...
[版主回覆01/09/2012 13:20:45]出反咩？
[貓僕人回覆01/09/2012 13:18:40]重有冇出反....
[版主回覆01/09/2012 12:26:37]咩下巴無毛啫？短啲之嘛XDDDD
件件衫好似縮左水, HEHE
回覆刪除[版主回覆01/25/2012 22:50:26]哈哈.....
肯著已經好乖啦......^^
回覆刪除[版主回覆01/25/2012 22:51:28]屎哂面囉。